أنا مع مصر والمصريين مش هيسيبوا مصر لحد

أنا مع مصر والمصريين مش هيسيبوا مصر لحد

أنا مع مصر والمصريين مش هيسيبوا مصر لحد


أنا زيي زي الجميع اتخضيت من الإجراءات السريعة والزيادات اللي تم الإعلان عنها في الوقود واللى ممكن بالتالي ترفع باقي السلع.. وكداب اللي يقول إنه مش هيتأثر بدرجة أو بأخرى.. وكان لازم أخد نفسي و أفكر وأقرأ للمتخصصين في الاقتصاد و أسمع آراء مختلفة علشان أفهم

وهذا هو ما وصلت إليه

أولًا: حالتنا الاقتصادية صعبة جدًا بسبب الفجوة بين الناتج و المنصرف وده له أسبابه اللي كلنا عارفينها
ثانيًا: لازم الدعم يروح لمستحقيه وده كان لازم يحصل من زمان
ثالثًا: لازم القضاء على تجار العملة اللي كانوا هيضيعوا البلد

رابعًا: بالنسبه للتوقيت فهو مثالي قبل ١١/١١ المزعوم اللي عايز ينزل يتفضل.. اليوم ده إما أنك مع مصر أو مع أعداء مصر


دائمًا يكون الحل بعلاج مؤلم


الإجراءات دي كان لازم تتم بعد كل الإنجازات اللي شوفناها.. حان وقت الاختبار الحقيقي للشعب إما أن يصمد و يقف في ضهر بلده علشان تعدي ... إما إنه يكمل عليها و يضيعها تماما وهو المطلوب منذ ٥ سنوات



لماذا أقول هذا الكلام



كل الكلام علشان الشعب الغلبان ربنا يفرجها عليه إذا صبر ويطيح بالأعداء من الداخل ومن الخارج ومن يساعدهم من المصريين يارب أنا واثق أنك تحرس مصر وأهلها فأجعل آياتك تتجلى وأفرج كرب المصريين وإهدهم لكى يحمدوك في الضراء لكى تنعم عليهم بالسراء اختاروا انكم تكونوا مع مصر

من الآخر المصريين ممكن يساعدوا في الحل


لو المقتدرين فى مصر يحسوا بالآلم الفقراء مكانوش يناموا من غير ما يعشوا الفقراء، دى مشكلة مصر الحقيقة أن فيه مصريين بيشتغلوا ضد مصر ويتجروا في أرزاق ابنائها وآخريين يسعدوا بخربها وكثير من هذا القبيل

هل يستجيب القادرين لهذا النداء


يارب أهدى كل مقتدر في مصر أن ينظر حوله ويساعد ذوي الحاجة الحقيقين ولا يضع رأسه على الوسادة قبل أن يؤدي ما يرضى الله نحو هؤلاء المحرومين من الغذاء ومن العلاج ومن التعليم الجيد لأولادهم حتى ينال رضاء الله
أنا اخترت أكون مع مصر حتي ضد نفسي
#أنا_مع_مصر
#مش_هنسيبها_لحد